Qntal

Rossinhol, el seu repaire
m'iraz ma dona vezer
e diguas li'l mieu afaire
et ill digua't del siue ver,
e man sai
com l'estai,
mas de mi'll sovenha,
que ges lai
per nuill plai
ab si no't retenha,
qu'ades no'm tornes retraire
son star e son captener,
qu'ieu non ai paren ni fraire
dont tant ho vueilla saber."
Ar s'en vai
l'auzels guai
dreit vas hon ill renha,
ab essai,
ses esglai,
tro qu'en trob l'ensenha.
Quan'auzeletz de bon aire
vi sa beutat aparer,
dous chant commencez a braire,
si com sol far contra'l ser;
puies se tai,
que non brai,
mas de liei s'enghenha,
co'l retrai
ses pnatai